സ്വപ്നങ്ങള് കാണാനനുവാദമില്ലെങ്കില്
എന്തിന്നു ഭൂമിയീ സ്വപ്നങ്ങള് നിര്മിച്ചു?
മനുഷ്യനെ വെറുതേ വ്യാമോഹിപ്പിക്കാനോ?
സ്വപ്നങ്ങളേറെയീ ഭൂമിയിലുണ്ടേലും
ഒന്നുപോലുമിന്നു സ്വന്തമല്ലെന്നു ചിലര്
പിന്നാര്ക്കാണീ സ്വപ്നങ്ങള്?
യുവതീ യുവാക്കള്ക്കുള്ളതാണെല്ലാം.
സ്വപ്നങ്ങളെന്നും ഒരിടത്തു നില്ക്കുന്നു.
നാമാണതിനെ കടന്നു പോകുന്നത്.
യവ്വനത്തില് നാമതിനടുത്തെത്തും,
ചുറ്റും വലം വയ്ക്കും, തഴുകിത്തലോടും,
സ്വന്തമാക്കാന് കൊതിക്കും,
ഒരുനുള്ളെടുക്കും ചിലര്,
പിന്നോമനിക്കായ് സൂക്ഷിച്ചു വയ്ക്കും,
പിന്നെപ്പതുക്കെ വിടപറയും
അന്നവര് കാണാനറക്കുന്ന സ്വപ്നങ്ങള്
പിന്നീടൊരിക്കലും അവര്ക്കുള്ളതല്ല.
നഷ്ടമാകുന്നതോ?
സ്വപ്നങ്ങളില്ലാത്തൊരു
മുഴു ജന്മവും.
2001
No comments:
Post a Comment