വാടിവീണു തറയില് കിടക്കിലും
വാനോളം ചൊരിയുന്നു നല്പ്രഭ
കരിയാന് തുടങ്ങുന്ന നിങ്ങള്ക്ക്
ആശകള് മോഹങ്ങളൊന്നുമിനിയില്ല
ജീവിച്ചു കൊതിതീര്ന്ന സംതൃപ്തി
ജനിച്ചു ചെടിയായ് വളര്ന്നു
പ്രകൃതിതന് ചൂടേറ്റു, മഴയേറ്റു,
കാറ്റേറ്റു തണലേറ്റു കുളിരേറ്റു
പൂത്തു മരമായ് പരിമളം വീശി
പുത്തന് പുലരിയെ പാടി പുകഴ്ത്തി
മണ്ണായി മാറി പുനര്ജനിക്കാനായ്
നിര്വൃതിയോടെ പുല്കീടുന്നു മണ്ണിനെ
പഴയ വസ്ത്രമുപേക്ഷിച്ചു-
പുതിയെന്നു തേടാനെന്നപോലെ
പുണ്യവതികള് നിങ്ങളെന് പൂക്കളേ
പുളകം ചൊരിയാന് വിരിഞ്ഞവരേ
പലജന്മം ചെയ്ത പുണ്യഫലം
പൂത്തമരങ്ങളായ് പിറന്നു പാരില്
ഞാനോ തളര്ന്നോരു പഥിക
നിന് ചോട്ടിലിരിക്കുന്നിറ്റു തണലിനായ്
സൂര്യതാപമെന്നെ വരട്ടുന്നു
താതന്റെ കോപം കണക്കെ
No comments:
Post a Comment