നമ്മുടെയൊക്കെ ജീവന്റെ ഉറവിടം ഭൂമിയായി സങ്കല്പ്പിച്ചു നോക്കൂ. നാം കാണുന്ന സത്യങ്ങളിലൊന്ന്. സസ്യലതാതികള്, ജീവനുള്ള എല്ലാ ജീവികളുടെയും അടിസ്ഥാന ആഹാരം (പ്രൈമറിഫുഡ്) ചെടി കളില്നിന്നല്ലേ, അവ എവിടെ നിന്നു വരുന്നു? ഭൂമിക്കടിയില്, വിത്തുകളില് നിന്ന്. ഭൂമീദേവി സൂര്യന്റേയും മഴയുടെയും സഹായത്താല് അവയെല്ലാം വിളയിച്ചെടുത്ത് മറ്റു ജീവജാലങ്ങള്ക്ക് ആഹാരമായി നല്കുന്നു.
നാം ഭൂമിയില് ക്കൂടി ചലിക്കാനാവുന്ന ജീവികള്. ഭക്ഷണം തേടി ബഹു ദൂരങ്ങളില് അലഞ്ഞ് മുന്നേറി..
ഭൂമീ ദേവി ചെടികളുടെ പെറ്റമ്മയാണെങ്കില് നമ്മുടേയും ആവില്ലേ?
നാമെന്തിനു ജീവന്റെ ഉറവിടം തേടി ഉയരങ്ങളിലേയ്ക്കു നോക്കുന്നു? അനന്ത വിഹായസ്സിലേയ്ക്ക് സംശയനിവാരണത്തിനായി അലയുന്നു, താഴേയ്ക്ക് നോക്കൂ, ഒരുപക്ഷെ, പ്രപഞ്ചരഹസ്യങ്ങളുമായി ഒരമ്മ അവിടെ ക്ഷമയോടെ നമ്മെ തോളിലേറ്റി നടക്കുന്നുണ്ടാവും. തളര്ന്നു വീഴുമ്പോള് പുതു ഉടല് പ്രദാനം ചെയ്ത് വീണ്ടും നമ്മെ അമ്മയുടെ മേല് മേയാന് വിടുവാന് കാത്ത്..
ഒരു ഉടലിന്റെ കാലാവധി തീരുമ്പോള്, നമ്മുടെ ഉടല് അടിയുന്നത് ഈ മണ്ണിലല്ലേ? തീയില് എരിച്ചാലും വെള്ളത്തില് മുങ്ങിയാലും, ആകാശത്തില് വച്ചു മരിച്ചാലും ഒക്കെ ഉടല് ഒടുവില് അടിയുന്നത് അടിയില്, മണ്ണിലല്ലേ? എന്നിട്ടുമെന്തേ സംശയം?
No comments:
Post a Comment